Núna er maður ekki lengur Sammi skvap heldur Sammi FITNESS sko ............ best að gera öllum það ljóst hér og nú að Samminn mun ekki lengur setjast niður og drekka bjór á virkum dögum og gæða sér á pizzum lengur nema á laugardögum. Þessir 8 daga heima á Markarflötinni bættu heilum 3 kílóum á vigtina og ég efast um að það sé vöðvamassi. Annars skiptir það litlu sem engu máli, ég ætlaði taka vel á því núna næstu vikurnar og mánuðina og fara í Form&Fitness alla virka daga. Er kominn með gott prógram sem ég mun fylgja eftir, og felst aðallega í brennslu, en þrjá daga er áhersla á lyftingar einnig. Fór í gær og tók vel á efri líkama. Í dag verður það svo tvíhöfðinn og fætur á morgun. Síðan er spurningin um hvort maður sé mótíveraður allan tímann og hætta ekki.

Mataræðið felst í því að borða upp undir 6 litlar máltíðir á dag og komast hjá því að verða í raun svangur á einhverjum tímapunkti því þá hættir maður á að belgja sig út af mat. Ein skyrdolla er t.d. fyrirtaks máltíð inn á milli, mikið prótein og kalk og seður hungrið ágætlega. Einnig er lykill að drekka mikið vatn til að ná optimal efnaskiptum og brennslu.

Eitt trikk til að halda sér mótíveruðum í líkamsrækt er að gera góða heimasíðu um fitness að upphafssíðu á vafranum þeirra. Ég er kominn með fitnessfréttir sem upphafssíðu, og það er hreint út sagt afbrags heimasíða um málefnið, og minnir mann á morgnana þegar maður kveikir á tölvunni að halda prógraminu lifandi og ekki hætta.